Bʼichlebʼaal choqʼ rehebʼ li kokʼal,
p. 32
Bʼich re Ralankil
Bʼich re Ralankil
1. Xchal xkutankil, raabʼil qabʼaan.
Bʼichanqex, sa wanqex; chaabʼil kutan.
Ye we resil chan ru kichal
Saʼ ruchichʼochʼ joʼ jun chʼina kʼuulaʼal.
2. Il li chahim, kʼutkʼu arin.
Xkʼut lix saqen saʼ li santil qʼojyin.
Il li anjel—kixye chaq resil:
Tuqtuukilal taawanq, ut li chaabʼil.
3. Il xwaribʼaal: xnaʼajebʼ li xul.
Bʼooyx ut wakax ut karneer nekeʼxkʼul.
Il bʼar yokyo: jun waʼlebʼaal.
Wan aran, xwar aran; chʼina kʼuulaʼal.
4. Ilebʼ aran, ilol karneer.
Xkohebʼ chirilbʼal li Kristo najter.
Ilebʼ laj qʼe, najt chaq keʼchal.
Maatan keʼxkʼam chaq choqʼ re li kʼuulaʼal.
5. Il li naʼbʼej. xMaria wan.
Il laj Jose li kixkʼam toj aran.
Il saʼ Belen, aran li kʼuulaʼal.
Il li Qaawaʼ Jesus, qaKolonel.
Raatinul: Patricia Kelsey Graham, y. 1940. © 1980 IRI. Isinbʼil chaq saʼ li uutzʼuʼujinbʼil aatin “The Nativity Story” tzʼiibʼanbʼil xbʼaan Avon Allen Compton, chi yiibʼanbʼil ru.
Xyaabʼal: Patricia Kelsey Graham, y. 1940. © 1980 IRI
Raatinul: Patricia Kelsey Graham, y. 1940. © 1980 IRI. Isinbʼil chaq saʼ li uutzʼuʼujinbʼil aatin “The Nativity Story” tzʼiibʼanbʼil xbʼaan Avon Allen Compton, chi yiibʼanbʼil ru.
Xyaabʼal: Patricia Kelsey Graham, y. 1940. © 1980 IRI