1. Gimahal sa Magbalantay,
Ang karnero sa panon;
Labihan ang paghigugma,
Sa bulawan labaw pa.
Gimahal sa Magbalantay,
Ang “karnerong” nawala;
Sa kabukiran gisundan,
Ug lawom katubigan.
Nasalaag sa disyerto,
Gitugnaw ug gigutom;
Dali ug tabangi ninyo,
Ug ibalik sa panon.
2. Gimahal sa Magbalantay,
Ang karnero nga gagmay;
Nga sa panon nahimulag,
Gigutom ug nagkuray.
Ang Magbalantay, nangita,
Sa nawala nga gagmay,
Malipayon nga nakitan,
Kay may gugmang tiunay.
Nasalaag sa disyerto,
Gitugnaw ug gigutom;
Dali ug tabangi ninyo,
Ug ibalik sa panon.
3. Gimahal sa Magbalantay,
“Kasiyaman ug siyam”;
Minahal ang nasalaag
Sa disyerto nagutman.
Malumo Niyang gitawag,
Naghangyo ning adlawa:
“Hain ang nahisalaag,
Sa gipuyan nibulag?”
Nasalaag sa disyerto,
Gitugnaw ug gigutom;
Dali ug tabangi ninyo,
Ug ibalik sa panon.
4. Berdeng sagbut madani ka;
Tubig labas ug kalma.
Kami motubag Ginoo,
“Kami gayud mohimo!
Tigbantay kami himoa;
Hatagi mi sa gugma.
Ipadala mis disyerto,
Mangitas karnero mo.”
Nasalaag sa disyerto,
Gitugnaw ug gigutom;
Dali ug tabangi ninyo,
Ug ibalik sa panon.
Mga pulong: Mary B. Wingate, 1845–1933
Musika: William J. Kirkpatrick, 1838–1921
