O, Unsa ang Awit sa Kasingkasing

1. O, unsa ang awit Sa kasingkasing ta, Kon magtigum na sab sa langit, Kon kita magkita Di na magbulag pa, Uban sa atong gihigugma! Kon kita magkita, O unsa nga awit Ang atong awiton sa langit.

2. Tungod sa kalipay Nga dili matukib, Kita mosinggit, motalidhay, Nga magginaksanay, Sa tumang kalipay Tanang minahal nga namatay; Nga magginaksanay, Sa tumang kalipay, Tanang minahal nga namatay.

3. O, ang pananawon Sa balayng matahum, Dili mapahayag sa pulong, Apan ang kalipay Sa tanan bation, Sa atong awit nga langitnon; Kalipayng maangkon Sa ‘tong pananawon Mapahayag sa ‘tong awiton.

4. O, unsay awiton! Nga atong madunggan! Kon maghiusa na ang tanan, Kalipay puno ta Kon ato nga gakson Ginikanan ta nga langitnon! Kalipay puno ta, Kon ato nga gakson, Ginikanan ta nga langitnon!