Ber a Ifii Wo Dan Mu Anapa Yi
Asɔr Na Mbofra Ndwom, 48
1. Ber a ifii wo dan mu anapa ’i, Edween ho bɔɔ mpaa a? Wɔ Christ hɛn Agyenkwa, dzin mu, Ana ibisaa n’ehumbɔbɔr n’ Dze yɛɛ akõkyɛm ndɛ?
O mpaabɔ yɛ ahomgye ma abrɛfo! Mpaabɔ ma sum dan kan, Sɛ ɔbra yɛ kadoo nwenwen a, Kaa dɛ ebɔbɔ mpaa.
2. Ber a ebufuw hyɛɛ wo kra do n’, Edween ho bɔɔ mpaa a? Mo dua eserɛɛ dɛ ɔmma wo adom Ma eetum dze bɔn akye obi a Ɔayɛ bɔn etsia wo?
O mpaabɔ yɛ ahomgye ma abrɛfo! Mpaabɔ ma sum dan kan, Sɛ ɔbra yɛ kadoo nwenwen a, Kaa dɛ ebɔbɔ mpaa.
3. Ber a nsɔhwɛ baa wo do no, Edween ho bɔɔ mpaa a? Ber a awerɛhow hyɛɛ wo kra do n’ Ana ebɔɔ mpaa dɛm da n’ Dze serɛɛ asomdwee?
O mpaabɔ yɛ ahomgye ma abrɛfo! Mpaabɔ ma sum dan kan, Sɛ ɔbra yɛ kadoo nwenwen a, Kaa dɛ ebɔbɔ mpaa.