Cov Nkauj Qhuas Vajtswv, no. 41
Los, Nrog Kuv Mus

1. “Los, nrog kuv mus,” tus Cawm Seej hais. Nws tus yam ntxwv, cia li coj nraim. Nov yog tib txoj kev koom nrog nws, Vajtswv Leej Tub uas nws yeej hlub.

2. “Los nrog kuv mus,” yog qhov yooj yim, Tiam sis muaj txoj kev tshav ntuj nrig Nyob hauv cov lus tseeb no lub ntsiab Kom txhawb nqa peb thiab tshoov peb siab.

3. Puas yog peb yuav tsum raws nws qab Tsuas yog thaum peb ua neej saum yaj, Uas yog qhov chaw nyuaj siab kawg li? Tsis yog, yuav tsum raws nws ib txhis.

4. Tsis yog yuav tsum coj nws yam ntxwv Thaum peb tseem nyob lub neej no xwb, Tseem yuav tau coj thaum peb ncaim mus Yog peb xav tau tus Tswv teej tug.

5. Peb yuav tsum rau siab mus tom ntej Ua rau peb thiaj pom kev mus deb Thiab nrog nws mus tsis tu tsis tseg, Txawm peb raug txhua txoj kev txom nyem.

6. Nws lub nceeg vaj, hwj huam, hwj chim, Thiab koob meej tag nrho yog peb li, Yog peb yeej yuav mloog nws cov lus, Uas nws hais tias, “Los, nrog kuv mus.”