Thaum Ib Tag Hmo zaj Ntawd Tau Los

1. Thaum ib tag hmo zaj ntawd tau los Zaj nkauj zoo kawg thaum ub, Cov tim tswv uas los saum ntuj los, Lawv ntaus nkauj nog ncas kub. “Kev kaj siab hauv ntiaj teb los ntawm Tus Vaj Ntxwv zoo kawg nkaus.” Neeg ntiaj teb nyob tos ntsiag twb to Mloog cov tim tswv hu nkauj.

2. Rooj ntug qhib rau tim tswv nqis los Coj kev thaj yeeb nyab xeeb; Thiab lawv cov suab nkauj saum ntuj nrov Ncha mus thoob lub ntiaj teb. Cov tim tswv saib xyuas neeg ntiaj teb Uas nyuaj siab thiab txom nyem. Cov tim tswv zaj nkauj yeej nrov dua Tej suab seev hauv ntiaj teb.

3. Saib seb! Lub caij nyoog uas yaj saub Thaum ub ua yog toog pom, Tsis ntev yuav muaj raws li lawv hais: Lub caij ntawd yuav los txog. Thaum ntuj thiab ntiaj teb tshiab txais yuav Kev Thaj Yeeb tus Vaj Ntxwv Thiab txhua tus yuav koom hu zaj nkauj Uas nim no tim tswv hu.