Cia Peb Ib Leeg Hais Lus Zoo rau Ib Leeg

1. Cia peb ib leeg hais lus zoo rau ib leeg Hauv tsev los nyob qhov twg los xij; Zoo li cov noog hu nkauj saum tej ntsis ntoo Xav mloog lawv lub suab seev qab zib. Tej lus zoo yuav txhawb nqa cov poob siab Kom lawv yuav cia siab rau Vajtswv; Thaum huab tsuas nti npog kev ci ntsa iab, Yuav ua tshav ntuj los ntawm kev hlub.

Au, thaum peb hais lus zoo, tib neeg yeej yuav nco ntsoov Thiab ua tshav ntuj rau lawv ib txhis. Cia peb ib leeg hais lus zoo rau ib leeg; Tus muaj siab dawb hais lus qab zib.

2. Zoo li duab tshav ntuj ci rau cov toj roob, Tej lus zoo ua rau neeg zoo siab; Tej lus zoo yeej yuav ua suab nrov zig zuag Uas los ntawm qhov dej txawv txias zias. Yog li ntawd cia peb nquag hais lus zoo Kom txhawb nqa peb kev ua phooj ywg, Mus txog thaum peb muaj txoj kev xyiv fab Thiab ua phooj ywg koom siab koom ntsws.

Au, thaum peb hais lus zoo, tib neeg yeej yuav nco ntsoov Thiab ua tshav ntuj rau lawv ib txhis. Cia peb ib leeg hais lus zoo rau ib leeg; Tus muaj siab dawb hais lus qab zib.