Cov Nkauj Qhuas Vajtswv, no. 94
Au lub Me Zej Zos Npelehees

1. Au, lub me zej zos Npelehees, Peb pom koj nyob ntsiag to. Thaum koj cov neeg tseem tsaug zog zoo Cov hnub qub ya mus los; Hmo no nyob hauv koj tej kev Lub teeb kav ib txhis ci Kom muaj raws li neeg cia siab rau, Kom kev ntshai ploj hlo li.

2. Maiv Liag tau yug tus Tswv Yexus Thiab cov tim tswv tsom kwm Thaum noob neej pw, lawv nyob saum ntuj, Saib xyuas nrog txoj kev hlub. Cov hnub qub pom thaum kaj ntug, Tshaj tawm hnub yug ntshiab huv Hu nkauj qhuas Vajtswv, tus Vaj Ntxwv, Thiab neeg nyob kaj siab lug.

3. Au, ntsiag to, ntsiag to, Vajtswv muab Txiaj ntsim zoo kawg nkaus no! Vajtswv foom pub koob hmoov saum ntuj Rau neeg ntiaj teb tag nrho. Tsis paub thaum twg nws rov los; Txawm muaj kev phem kev qias, Cov siab mos muag uas txais tos nws, Khetos nyob hauv lawv siab.