Number 120
Mus Qhia Nrog Kev Ntseeg
Mus Qhia Nrog Kev Ntseeg
1. Mus qhia neeg txhua tus nrog kev ntseeg
Ntsig txog tus Tswv Yexus.
Ua tim khawv nws yog Vajtswv Tub;
Mus tshaj tawm nws txoj lus.
Mus qhia nrog kev vam thiab cia siab;
Hauv txhua teb chaws tsa suab
Tias txhua haiv neeg nyob thoob qab ntuj
Yog Vajtswv cov me nyuam.
2. Mus qhia neeg txhua tus nrog kev hlub
Txog tsev neeg kev xyiv fab—
Hais tias peb yuav nrog cov peb hlub
Nyob mus li tsis paub tag.
Mus ua hauj lwm txhawb nqa lwm tus,
Txhob xav txog nqi zog xwb;
Ces nej yuav paub txoj kev xyiv fab
Thaum ua tus Tswv tes num.
3. Mus qhia neeg qab ntuj nrog hwj chim
Tias txoj moo zoo rov los,
Kom txhua tus tau txoj sia ib txhis
Dhau ntawm Yexus Khetos.
Mus qhia qhov tseeb txog kev thaj yeeb,
Kev xyiv fab thiab kev hlub
Kom cov uas mloog nws txoj lus zoo
Yuav qhuas tus Tswv Yexus.
Cov lus: Ruth M. Gardner, 1927–1999. © 1985 IRI
Suab nkauj: Lyall J. Gardner, 1926–2012. © 1985 IRI