Cov Nkauj Qhuas Vajtswv (2015, 2021-digital), no. 136
Cov uas Ua Yam Ntxwv Zoo

1. Cov uas ua yam ntxwv zoo txhua tus Qhia peb txog koj txoj kev siab hlub; Tus Tswv, koj xa koob hmoov saum ntuj Los ntawm cov neeg uas muaj siab hlub.

2. Tsis muaj txiaj ntsim uas koj tau foom, Tsis muaj ib yam dab tsi yuav zoo Cuag cov phooj ywg uas ua siab dawb Txhawb peb kev ntseeg thiab hlub peb kawg.

3. Thaum peb tus phooj ywg tas sim neej, Peb yuav nco ntsoov nws hauv cim xeeb, Hauv peb lub siab mus tas ib txhis, Ua rau peb los nyob ze koj ntxiv.

4. Vim phooj ywg tsim txiaj muab lub neej Tso plhuav rau tus Cawm Seej lub npe Uas foom koob hmoov nrog txoj kev hlub, Peb ua koj tsaug, tus Tswv saum ntuj.