Bʼoqbʼilo chixpleetinkil li maaʼusilal

1. Bʼoqbʼilo chixpleetinkil li maaʼusilal. Sa li qachʼool! Sa li qachʼool! Toonumtaaq wi taqayal qaqʼe chi tzʼaqal, Choxahil koroon taakʼeemanq qe. Kim saʼ junpaat, li pleet wan chiqu; Joʼ jun ramlebʼ li yaal kʼe chawu. Li reetalil qateep ak kʼutkʼu. Chi sa qachʼool bʼeek yooko toj saʼ qahiilal.

Bʼoqbʼilo chixpleetinkil li maaʼusilal. Sa li qachʼool! Sa li qachʼool! Toonumtaaq wi taqayal qaqʼe chi tzʼaqal, Choxahil koroon taakʼeemanq qe.

2. Abʼihomaq lix yaabʼ li pleet, jwal kaw taachoqinq. Kim saʼ qayanq! Kim saʼ qayanq! Saʼ qateep naʼajman ru li junjunq chi winq. Chiqachʼutubʼ qibʼ rubʼel li krus. Abʼi, li Kristo yoo chabʼoqbʼal; Seebʼa aawibʼ, maasach li hoonal! Choqʼ re Jesus toopleetinq chi yaal. Chi sa qachʼool bʼeek yooko toj saʼ qahiilal.

Bʼoqbʼilo chixpleetinkil li maaʼusilal. Sa li qachʼool! Sa li qachʼool! Toonumtaaq wi taqayal qaqʼe chi tzʼaqal, Choxahil koroon taakʼeemanq qe.

3. Re xkolbʼal li yaal naqapleeti li maaʼus. Sa li qachʼool! Sa li qachʼool! Kim, nokobʼichan saʼ xtenamit li Jesus, Ut timil timil chik toonumtaaq. Us ta xiw xiw, maakʼaʼ taaxuwa. Jesus, li Kristo nokoxtenqʼa; Tooril Aʼan, toxkol ut toxra. Chi sa qachʼool bʼeek yooko toj saʼ qahiilal.

Bʼoqbʼilo chixpleetinkil li maaʼusilal. Sa li qachʼool! Sa li qachʼool! Toonumtaaq wi taqayal qaqʼe chi tzʼaqal, Choxahil koroon taakʼeemanq qe.