ទំនុក​តម្កើង (2014, 2021-digital), no. 185
ផ្ទះ​ជា​ស្ថានសួគ៌​លើ​ផែនដី

១. ផ្ទះជាស្ថានសួគ៌លើផែនដី ពេលយើងពេញដោយក្តីស្នេហ៍ នោះមានក្តីសុខនិងអំណរ ជាពរពីស្ថានសួគ៌ា— កក់ក្តៅចិត្តល្អសប្បុរស មានសុវត្ថិភាពនិងផុតភ័យ— ធ្វើឲ្យផ្ទះជាផ្នែកនៃស្ថានសួគ៌ ដែលយើងចង់បានមក។

២. គ្រួសារជិតស្និទគ្នារាល់ថ្ងៃ យើងរក្សាពន្លឺស្នេហ៍ បម្រើទ្រង់ដោយចិត្តប្រពៃ យើងចម្រើនក្នុងពន្លឺ ឪពុកម្តាយបង្រៀនណែនាំ កូនឲ្យតម្លៃនិងគោរព ឲ្យបានដូចជាផ្ទះនៅស្ថានសួគ៌ ដែលយើងចង់រស់នៅ។

៣. អធិស្ឋានរាល់ថ្ងៃក្នុងផ្ទះ យើងនឹងបានក្តីស្នេហ៍ទ្រង់ ស្វែងយល់បទគម្ពីរដោយស្មោះ យើងនឹងបំប៉នគំនិត សូមច្រៀងបទតម្កើងទ្រង់ថា៖ «បិតាសូមជួយកូនរកផ្លូវ នាំកូនទៅផ្ទះនៅសួគ៌ាលៃ ដែលយើងចង់រស់នៅ»៕