Page 10
’Is La Rue se Muạ
’Is La Rue se Muạ
1. ’Is la rue se muạ garue ha’ ’on Gagaja,
Avat mȧür te’ ofi, po mȧür se ’es tohiga;
Ao ne pelu pel’ȧk fȧeag ’on ’Ạitu,
Aier tama ’esea.
Se fea, avat firi re kaha;
’Is lahuạgtoa’, ko Gagaja ma ’isa.
’Is kal a’ja’oara iris lelea’ raksa’a,
Ko Ö’fa ’esea ’is la noh ma.
2. Is se hö’ se fạ’ ’inea ne tes mokoi
A’tatạu se kạu pelut fu agạim ’e tȧe;
Ta ne’ne’it la asoa gou ma ’ȧe
’Os la hoa’ ne aier te’.
Se fea, avat firi re kaha;
’Is lahuạgtoa’, ko Gagaja ma ’isa.
’Is kal a’ja’oara iris lelea’ raksa’a,
Ko Ö’fa ’esea ’is la noh ma.
3. Kep ka garue noj ’is Kat tạura la fea,
Ko Gagaja tȧla noh ’elem kikia;
’E av noanoa iạ la hö’ fürmaria,
Aier ta forạsia.
Se fea, avat firi re kaha;
’Is lahuạgtoa’, ko Gagaja ma ’isa.
’Is kal a’ja’oara iris lelea’ raksa’a,
Ko Ö’fa ’esea ’is la noh ma.
Fäeag ta ma Toag ne him ta: Evan Stephens, 1854–1930