Vi‘iga, no. 168
Tala‘i Atu o Iesu

1. Tala‘i atu o Iesū ma le fa‘atuatua. Ia molimau ai pea o Ia le Alo, o le Atua. Ia loto toa e tala‘i atu ana afioga. O fanau uma a le Atua tagata uma.

2. Tala‘i atu le alofa ma fiafia o aiga. Ia mafuta ai e fa‘avavau aiga, i le alofa. ‘Auauna fa‘amaoni pea le taui sili lea. Ona maua lea o le fiafia sili, le taui a le Ali‘i.

3. Tala‘i atu ma le mana lenei talalelei. Ma le ola e fa‘avavau iā Iesū le Ali‘i. Tala‘i le tonu ma le alofa ma le filemū, Tagata latou vi‘ia ai le Ali‘i o Iesū.