Number 17
Ko ha Tangata Fononga Fonu he Loto-mamahi

1. Ko ha tangata fononga Fonu he loto mamahi, Naʻá ma faʻa fetaulaki Peá ne kole ha tokoni Ne ʻikai te u malava ʻO ʻekea siʻono hingoa Naʻe hā mei hono fofongá ʻA e ʻulungāanga ʻofa.

2. Naʻá ne hūfia hoku falé, He teuteu ʻeku tēpilé, Ne u ʻave kotoa ki ai Neongo ʻene toe siʻí, Naʻá ne tāpuakiʻi Pea ʻomi hoku ʻinasí Naʻe hangē ha mana ʻeni Tatau mo haʻa ʻIsilelí.

3. Ne u sio atu ki ai, Veʻe fauniteni masaní, Kuo tafe atu he maká ʻA e vai mapunopuná, Peá ne ʻalu ai ke inu Mole ʻa e ivi ne maʻu Peá ne ʻutu tuʻo tolu Inu ʻa e ʻū ipu fonu.

4. Kuo ʻosi atu ʻa e vaí Manavahē mo e matangí Ne u ongona hono leʻó ʻO u feinga fakatoʻotoʻó Pea ʻave ki hoku falé ʻA e paionia malōlō hē ʻOiau ʻa e ngoue ʻĪtení Lolotonga ʻeku misí

5. Ne u mamata ai he halá Kuó ne faingataʻaʻia Lahi ʻa e kafo hono tā Peá u tokoniʻi iá ʻOatu ʻene meʻakaí Maʻu peá ne mālohí Ne ngalo ʻene mamahí Melino ne na feohí

6. Ne u toe mamata kiate ia He fale fakapōpulá Kuo nau tala ʻo fakahā Ko e lavaki ʻo e fonuá Ne u tuʻu hono tafaʻakí Mate ko e fakamoʻoní Mamata tonu he filí He fakatanga mālohí

7. Pea fakafokifā kuo hā Ha tangata kuo monuka Tā ko e Fakamoʻui Iá ʻOiau ʻEne folofolá Ne ʻikai ai pē te ke mā ʻOiau e loto-veiuá Haʻu ki ho mālōlōʻangá Nonga pea mo e fiefiá.