1. Tijing blong Jisas oli stampa blong yumi
Fet blong yu i kam strong sipos yu prea long hem.
Akseptem Jisas, long Hem yu save depen.
Ansa i stap finis, ansa i stap finis,
Ansa i stap finis long tijin blong hem.
2. Hem i nomata spos yu helti o yu sik,
Spos yu no gat mane o spos yu planti rij.
Nomata we ples spos solwora o lan,
Spos yu nidem Jisas, spos yu nidem Jisas,
Spos yu nidem Jisas bae halp blong Hem i kam.
3. No fraet, no wari from Mi stap wetem yu,
Mi Mi God blong yu mo Mi mas halpem yu.
Mi halpem, sapotem, Mi mekem yu stanap,
From we Mi gat paoa, from we Mi gat paoa,
From we Mi gat paoa gat paoa i stap.
4. Taem yu stap long trabol i pulum yu go daon,
Bae Mi halpem yu blong yu no save draon.
Mi stap wetem yu long olgeta trabol
Mo bae Mi givim ona, mo bae Mi givim ona,
Bae Mi givim ona, taem yu winim ol.
5. Taem trabol i olsem faea i bonem yu,
Paoa blong Mi bae hem i mas protektem yu.
Faea blong trabol hem i hot, hem i mas hot
From hem i bonem toti, from hem i bonem toti,
hem i bonem toti mo livim gud i stap.
6. Truaot laef blong yu kasem taem yu olfala,
Mi stap wetem yu mo long yu mi givim lav.
Mo taem hea blong yu hem i waet evriwan,
Bae mi mi karem yu, bae mi mi karem yu,
Bae mi karem yu bae long ples blong Mi yu kam.
7. Spos man i putum tras blong hem long Jisas Kraes,
Mi sapotem hem, Mi no save spolem tras.
Spos Setan i traehad tumas blong winim yu
Mi neva no neva, Mi neva no neva,
Mi neva no neva save ronwe long yu.