1. God hem i waes mo i mekem rod,
Blong sendem Sevya long yumi.
Sevya hem i safa mo hem i ded,
From God hem i lavem yumi.
2. Jisas i bin givim laef blong hem,
Taem hem i ded long kros.
Hem i safa mo i karemaot sin,
Spos no evri man i lus.
3. Jisas obei long evri loa
Mo hem i bin winim klori.
“Bae Mi mekem wok blong Yu, Papa God.”
Hem i eksampol blong yumi.
4. Hem i makem rod, mo i go fastaem
Blong soem tru rod long yumi,
Blong kasem ples we laet blong God i saen
Mo laef i no save finis.
5. Stap tingbaot broken bodi blong Kraes,
Taem yumi brekem bred.
Dring wora long kap blong yumi witnes,
Yumi putum Kraes long fored.
6. Plan blong Papa God hem i komplit
Blong savem yumi long ol sin.
Hem i tekem Jastis, Lav mo Mersi
Blong mekem plan blong Salvesen.
Ol Tok: Eliza R. Snow, 1804–1887
Myusek:Thomas McIntyre, 1833–1914
