Mga Himno (2002, 2021-digital), no. 114
Ako Nagpabilin nga Natingala

1. Ako nagpabiling natingala sa gugma, Naglibug sa grasyang kanako gihatag n’ya. Ako mikurog nga siya nagantus sa krus, Nga kanako siya namatay ug nagantus.

O, katalagsaon niini nga gugma Nagpalansang Siya! Nagpabilin kanakong natingala!

2. Ako nahibulong trono Iyang gib’yaan Pagluwas sa kalag ko nga may kasalanan, Naghatag kanako’g gugma nga hilabihan, Igo sa pagtubos, paghatag kaangayan.

O, katalagsaon niini nga gugma Nagpalansang Siya! Nagpabilin kanakong natingala!

3. Dugong miagas hingpit nga bayad sa sala! Gugma’g kalooy dili ko kalimtan kana? Magampo, magdayeg ko niya sa hukmanan, Hangtud trono niya moluhod kos tiilan.

O, katalagsaon niini nga gugma Nagpalansang Siya! Nagpabilin kanakong natingala!