Sere ni Lotu (2011, 2021-digital), no. 139
Me da Dau Veivakacaucautaki

1. Me da dau veivakacaucautaki E veivanu a kecega Vaka na domo ni manumanu Na domo memela ka talei Vukea na yalo bikai Me vakauqeta cake mai Vanua e vakaruguti Cilava yani na rarama.

Vosa talei ena dau nanumi tu ga Sega ni dau guilecavi Me da dau veivakacaucautaki Vosa vinaka ka talei.

2. Me vaka na kida ni mataka Yalo yadravinaka mai Me vaka rogo ni wai tovure Taleitaki na kena voqa Me da vosa vakamalua Noda veikilai dei tu ga. Lomada me sa duavata Matavei tokani me qaqa.

Vosa talei ena dau nanumi tu ga Sega ni dau guilecavi Me da dau veivakacaucautaki Vosa vinaka ka talei.