Mga Himno Kag mga Ambahanon Sang Kabataan (1984, 1996), p. 6
Kamong Mga Santos

1. Kamong mga Santos sang aton Ginuo, Magbakod kamomg pundasyon sa pagtuo! Sa manga pulong nga ginhatag ni Cristo, Sa aton Manluluwas, sa aton Manluluwas, Sa pulong ni Cristo kita magpanago.

2. Bisan kon ano ang imo kahimtangan, Sa kaimulon, manggad, o kasulhayan! Balay o luwas, sa takas o sa dagat, Kon imo kinahanglan, kon imo kinahanglan, Kon imo kinahanglan ikaw buligan.

3. Indi magkahadlok, Ako kaupod mo; Indi magpaluya kay imo Dios Ako. Ligunon ka, buligan kag patindugon, Itibong ko ikaw, Itibong ko ikaw, Itibong ikaw sang kamot kong Gamhanan.

4. Sa dalom nga tubig ikaw pakadtuon Suba sang kasubo indi ka anuron Updan ko ikaw, sa huol luwason Sa imo kasakit, sa imo kasakit Sa imo kasakit, ikaw bantayan.

5. Kon sa dako nga pagtilaw natingban Sang akon nga grasya ikaw tigan-an Kasakit, kabudlay malampuwasan Sa pagkamatarong, sa pagkamatarong Sa pagkamatarong, ikaw ulayon.

6. Sa kaulihian, akon pamatud-an Indi maglubad pa gugmang harianon Nian kon ang tanan akon pagabanhawon Ako man gihapon, ako man gihapon Ako man gihapon, Dios mong maluluy-on.

7. Kalag nga kay Jesucristo nagasandig Di ko pabay-an nga sang yawa maapid Kalag mo bisan sang impiyerno uyugon Indi gid nga mas-a, Indi gid nga mas-a, Indi gid nga mas-a akon talikdan.