Cov Nkauj Qhuas Vajtswv (2015, 2021-digital), no. 18
Los, Vaj Ntxwv tus Vaj Ntxwv

1. Los, Vaj Ntxwv tus Vaj Ntxwv! Peb twb tos koj ntev heev; Koj muaj hwj chim pab peb Los cawm koj haiv neeg ntseeg. Txhua tus thov koj los rau ntiaj teb; Kom Ixayees sib sau mus tsev.

2. Los ua kom kev txhaum ploj Muab hluav taws ntxuav ntiaj teb, Thiab coj kev ncaj ncees los Ua rau tsoom haiv neeg ntseeg Hu nkauj ua ke txog kev xyiv fab, Zoo siab hlo qhib koj txoj kev kav.

3. Txhua tus koj muab txhiv dim Yuav los qw Hauxanas. Lawv yuav hu zaj nkauj tshiab Uas muaj yeeb koob nrov ncha. Tag nrho cov nyob puag saum qaum ntuj Hnov zaj nkauj Xioos koom siab hu.

4. Tos txais qhuas Tub Vaj Ntxwv Ntawm Kev Thaj Yeeb Nyab Xeeb. Neeg Ixayees txhua tus Yuav hwm lawv tus Cawm Seej. Cov neeg tsis ntseeg yuav los pe koj Thiab txhua haiv neeg los qhuas ntxhias koj.