Number 86
Aʼan li tijok rajom li aamej
Aʼan li tijok rajom li aamej
1. Aʼan li tijok rajom li aamej,
Yeebʼil ut kʼoxlanbʼil,
Li eekʼanbʼil chaq saʼ chʼoolej—
Jun xam inkʼaʼ ilbʼil.
2. Aʼan lix yaabʼ xkux xrahil qachʼool,
Relik xyaʼal li qu,
Li ilok taqeʼq li inkʼaʼ ilbʼil;
Chiru li Dios kʼutkʼu.
3. Maakʼaʼ chʼaʼaj rikʼin tijok—
Yeebʼil saʼ kaʼchʼinal,
Li aatin tzʼaqal taqeʼq naʼok
Saʼ nimla wankilal.
4. Aʼan joʼ xmusiqʼ laj paabʼanel,
Tzʼaqal aʼan xyuʼam—
Naq saʼ li ruchichʼochʼ naʼel,
Rikʼin tijok nakam.
5. Aʼan xtzʼaam laj maak saʼ tuulanil
Naq chi sutqʼiik naʼok;
Saʼ xsahilebʼ xchʼool, teʼxye li anjel:
“Cheril, ak natijok!”
6. Saʼ li tijok, laj paabʼanel
Teʼwanq saʼ junajil;
Rikʼin li Dios ut li Ralal
Teʼxtaw li komonil.
7. Inkʼaʼ kaʼajwiʼ arin taqʼa
Wan li ani tixye:
Li Kolonel saʼ li choxa
Yoo chi tzʼaamank choqʼ qe.
8. Laaʼat li bʼe, laaʼat yuʼam!
Aabʼaan taqeʼq tooʼok—
Xbʼehil li tij laaʼat xakʼam.
Chakʼut chiqu tijok.
Raatinul: James Montgomery, 1771–1854
Xyaabʼal: George Careless, 1839–1932