1. Saʼ raam laj Ilol Karneer\nLoqʼ lix ketomq saʼ xkorral;\nLoqʼ lix rahom choqʼ rehebʼ\nLoqʼ chik chiru bʼihomal.\nEbʼ li karneer sachenaq\nLoqʼebʼ saʼ raam li Qaawaʼ,\nUt naxsikʼebʼ chaq chi tzuul\nJoʼ wiʼ chiru chamal haʼ.\n\n[Chorus]\nSaʼ chaqi chʼochʼ nekeʼbʼeek,\nUt teʼtzʼokaq saʼ li ke;\nNaxseebʼa ribʼ chi kolok,\nRe xkʼambʼalebʼ saʼ lix bʼe.\n\n2. Saʼ raam laj Ilol Karneer\nLoqʼebʼ ajwiʼ li kaʼchʼin.\nWan teʼtzʼokaaq saʼ li ke,\nNajt sachsookebʼ chaq rikʼin.\nIl chaq laj Ilol Karneer—\nEbʼ li sachso yoo xsikʼbʼal;\nSa saʼ lix chʼool naxokok;\nNim li naxtoj re xkolbʼal.\n\n[Chorus]\nSaʼ chaqi chʼochʼ nekeʼbʼeek,\nUt teʼtzʼokaq saʼ li ke;\nNaxseebʼa ribʼ chi kolok,\nRe xkʼambʼalebʼ saʼ lix bʼe.\n\n3. Saʼ raam laj Ilol Karneer\nLoqʼ li ani xtaaqenk re;\nLoqʼebʼ ajwiʼ li sachso\nLi xeʼkana chire bʼe.\nAbʼi, aʼan nabʼoqok\nSaʼ qʼunalil naxtzʼaama:\n“Ma toxeesikʼ lin karneer\nSachenaqebʼ chaq taqʼa?”\n\n[Chorus]\nSaʼ chaqi chʼochʼ nekeʼbʼeek,\nUt teʼtzʼokaq saʼ li ke;\nNaxseebʼa ribʼ chi kolok,\nRe xkʼambʼalebʼ saʼ lix bʼe.\n\n4. Saʼ li korral wan tzakemq\nUt wan li saq ruhil haʼ.\nAnchal qachʼool toochaqʼoq,\n“Taqabʼaanu, at Qaawaʼ!\nKʼe qakʼanjel joʼ laa moos;\nKʼe saʼ qachʼool laa rahom.\nChoohaataqla yalaq bʼar\nRe xsikʼbʼalebʼ laa wilom.”\n\n[Chorus]\nSaʼ chaqi chʼochʼ nekeʼbʼeek,\nUt teʼtzʼokaq saʼ li ke;\nTaqaseebʼa qibʼ chi xik,\nRe xkʼambʼalebʼ saʼ lix bʼe.\n