Ebʼ li bʼich (2012, 2021-digital), no. 190
Naq nawan rahok

1. Chʼina us li qochochnal Naq nawan rahok. Nanumta xsahil qachʼool Naq nawan rahok. Sa wanko ut saʼ xyaalal Naqara li qech kabʼal. Sa li wank saʼ junkabʼal Naq nawan rahok. Rahoqo, rahoqo. Sa li wank saʼ junkabʼal Naq nawan rahok.

2. Inkʼaʼ ra li nebʼaʼil Naq nawan rahok. Chʼaʼajkilal inkʼaʼ naqil Naq nawan rahok. Li qachaabʼilal natam, Chaabʼil bʼe li naqakʼam; Chʼina us li qayuʼam Naq nawan rahok. Rahoqo, rahoqo. Chʼina us li qayuʼam Naq nawan rahok.

3. Li Qaawaʼ naxkʼe reetal Naq nawan rahok. Naʼosoʼ maaʼusilal Naq nawan rahok. Sa naxye li roq li haʼ, Sa rilbʼal li rax choxa; Sa saʼ xchʼool li qaYuwaʼ Naq nawan rahok. Rahoqo, rahoqo, Sa saʼ xchʼool li qaYuwaʼ Naq nawan rahok.