1. Ex li tzuul re Sion, wan choxa saʼ lee bʼeen;
Eerubʼel achʼabʼaak natawman.
Chaabʼil iqʼ naʼapun, saq li haʼ nakʼutun.
Maakʼaʼjoʼ naq nawaj xik aran.
At Sion, lin Sion, xchʼochʼil li yaal,
At wochoch saʼ li tzuul, aawikʼin chinaakʼul,
Bʼar lin yoʼonihom wan rajlal.
2. Li ninqebʼ xwankilal xikʼ teʼril laa loqʼal;
Raabʼilat bʼan saʼ xchʼool li tuulan,
Ut us ta naseʼek ut naʼeetzʼun laj maak,
Saʼ qachʼool aawesil naʼeekʼan.
At Sion, lin Sion, xchʼochʼil li yaal.
Us ta elenaqat, ut taqeʼq chik wankat,
Aawochbʼeen sa ut ra taqakʼul.
3. Saʼ xbʼeenebʼ chaq li tzuul aametzʼew chik taakʼul;
Chi maakʼaʼ li xuwak toj tatbʼeeq,
Ebʼ laj maak li xeʼchal teʼkʼameʼq xbʼihomal;
Ruutzʼuʼujil aajolom taakanaaq.
At Sion, lin Sion, xchʼochʼil li yaal,
Taakʼutunq xchaqʼal ru li lemtzʼunk saʼ laa wu,
Ut inkʼaʼ taaʼosoʼq laa loqʼal.
4. Toobʼichanq re xkʼeebʼal xnimankil aaloqʼal,
Rochochebʼ lix profeet li qaDios;
Taanachʼoq laa kolbʼal, taaʼosoʼq aasachbʼal,
Saʼ laa chʼochʼ kolbʼilaq chaq li us.
At Sion, lin Sion, xchʼochʼil li yaal.
Toowiqʼlaaq saʼ aabʼeen, taqakol laa saqen;
Aawikʼin taqataw qahiilaal.
Raatinul: Charles W. Penrose, 1832–1925
Xyaabʼal: H. S. Thompson, y. maare 1824
