Ebʼ li bʼich (2012, 2021-digital), no. 184
Kʼaʼjoʼaq xbʼich li qaam

1. Kʼaʼjoʼaq xbʼich li qaam Taqakʼe chaq rajlal, Chixkʼulbʼal qakomon saʼ choxa! Jun sut chik saʼ yuʼam Teʼqakʼul saʼ sahilal Junelik qochbʼeenebʼ li xqara. Jun sut chik saʼ yuʼam, Kʼaʼjoʼaq xbʼich li qaam, Taqakʼe naq wanqo saʼ choxa.

2. Saʼ xsahil li qachʼool; Maakʼaʼaq wan xyeebʼal; Toobʼichanq, japjooq qe xbʼaan xsahil Naq aran teʼqakʼul Chi qʼalqʼo saʼ qachʼool Li ani xeʼnumeʼ chaq junxil. Naq aran teʼqakʼul Saʼ xsahil li qachʼool Li ani xeʼnumeʼ chaq junxil.

3. Maakaʼchʼin li taqil Naq aran toohilanq; Li aatin re xyeebʼal maakʼaʼaq— Lix nimal bʼan xsahil Li qachʼool li taawanq Saʼ xsahil xbʼich li qaam yeebʼilaq. Lix nimal bʼan xsahil Li qachʼool naq taqil, Saʼ xsahil xbʼich li qaam yeebʼilaq.

4. Kʼaʼjoʼaq xbʼichankil! Jwal sahaq qakʼulbʼal, Ut tzʼaqal li rahok taqeekʼa. Naq aran chaq teʼqil, Teʼqakʼul saʼ wiibʼal Choxahil naʼ yuwaʼ saʼ choxa! Kʼaʼjoʼaq xbʼichankil Naq aran chaq teʼqil Choxahil naʼ yuwaʼ saʼ choxa!