ទំនុក​តម្កើង (2014, 2021-digital), no. 168
ខ្ញុំ​នឹង​ទៅ​ដែល​ទ្រង់​ឲ្យ​ខ្ញុំ​ទៅ

១. ប្រហែលមិនមែននៅលើកំពូលភ្នំ ឬឆ្លងពុះពារព្យុះសមុទ្រ ក៏មិនមែននៅខាងមុខទីចម្បាំង ព្រះអម្ចាស់ទ្រង់ត្រូវការខ្ញុំ បើទ្រង់ហៅដោយសំឡេងតូចរហៀង ឲ្យទៅផ្លូវដែលខ្ញុំមិនស្គាល់ ខ្ញុំក៏នឹងឆ្លើយថាឱព្រះអម្ចាស់អើយ! ខ្ញុំនឹងទៅដែលទ្រង់ឲ្យខ្ញុំទៅ

ខ្ញុំនឹងទៅដែលទ្រង់ឲ្យខ្ញុំទៅព្រះអង្គ មិនថាលើព្រៃភ្នំវាលសមុទ្រ ខ្ញុំនឹងថាដែលទ្រង់ឲ្យខ្ញុំថាព្រះអង្គ ខ្ញុំនឹងធ្វើដែលទ្រង់ឲ្យខ្ញុំធ្វើ៕

២. ថ្ងៃនេះប្រហែលជាព្រះយេស៊ូវអាច មានពាក្យពេចន៍ឲ្យខ្ញុំវាចា ប្រហែលមានជនណាដើរក្នុងផ្លូវបាប ដែលទ្រង់ចង់ឲ្យខ្ញុំស្វែរក ឱព្រះអង្គសង្គ្រោះសូមនាំផ្លូវខ្ញុំ ទោះផ្លូវនោះពិបាកយ៉ាងណា មាត់ខ្ញុំនឹងវាចានូវពាក្យពិរោះ ខ្ញុំនឹងថាដែលទ្រង់ឲ្យខ្ញុំថា

ខ្ញុំនឹងទៅដែលទ្រង់ឲ្យខ្ញុំទៅព្រះអង្គ មិនថាលើព្រៃភ្នំវាលសមុទ្រ ខ្ញុំនឹងថាដែលទ្រង់ឲ្យខ្ញុំថាព្រះអង្គ ខ្ញុំនឹងធ្វើដែលទ្រង់ឲ្យខ្ញុំធ្វើ៕

៣. ពិតជាមានកន្លែងទំនាបណាមួយ ក្នុងវាលលោកដ៏ធំទូលាយ ដែលខ្ញុំអាចបម្រើក្នុងថ្ងៃដ៏ខ្លី ជួសព្រះយេស៊ូវដែលត្រូវឆ្កាង ខ្ញុំនឹងទុកចិត្តទាំងស្រុងទៅលើព្រះអង្គ ដឹងថាព្រះអង្គស្រឡាញ់ខ្ញុំ ខ្ញុំធ្វើតាមព្រះទ័យដោយឥតសៅហ្មង ខ្ញុំនឹងធ្វើដែលទ្រង់ឲ្យខ្ញុំធ្វើ

ខ្ញុំនឹងទៅដែលទ្រង់ឲ្យខ្ញុំទៅព្រះអង្គ មិនថាលើព្រៃភ្នំវាលសមុទ្រ ខ្ញុំនឹងថាដែលទ្រង់ឲ្យខ្ញុំថាព្រះអង្គ ខ្ញុំនឹងធ្វើដែលទ្រង់ឲ្យខ្ញុំធ្វើ៕