Vi‘iga (1994, 2021-digital), no. 21
Ua Tafa Ata o le Ao mo Samoa

1. Ua tafa ata o le ao mo Samoa; E le toe pouliuliai nei. O le agelu sa iloa e Ioane, Ua lele mai ma le tala lelei.

2. Ua ma‘eu lava o le taeao manuia, Sa valo‘ia e perofeta tuai. E tala‘i atu i nu‘u uma lava, Ma sa Iutaia ia latou o mai.

3. Ua tupu tele o le nu‘u naumati; O punavai ua tafe ai nei. Lagi mai e mauga o pese ‘oli‘oli; Fa‘afetai tele le Ali‘i lelei.

4. Tau fai vivi‘i ai o atunu‘u uma; Ua fa‘atuina le tala lelei. Ua uma taua ma misa sa faia; Tau fai pepese ma fa‘afetai.