Vi‘iga (1994, 2021-digital), no. 126
Pe a Faigatā Le Ala, Taumafai!

1. Pe ‘a faigatā le ala, taumafai! Pe ‘a o‘o mai se mala, taumafai! Pe ‘a o‘o ina tagi, ia tepa i le lagi; ua teu ai nei le taui, taumafai!

‘Aua ‘e te fa‘avaivai, i mea faigatā; Tele mea e maua ai ‘A i‘u puapuaga.

2. A e fa‘anoanoa, taumafai! Ia ‘e onosa‘i pea, taumafai! Pe ‘a finafinau pea, ona manumalo lea; o le tonu lava lea, taumafai!

‘Aua ‘e te fa‘avaivai, i mea faigatā; Tele mea e maua ai ‘A i‘u puapuaga.

3. A pa‘ū ai i se mea, taumafai! O Iesū e tu mai pea, taumafai! Ua lata mai o Ia; o le Ali‘i e pa‘ia; e ala ai le fiafia, taumafai!

‘Aua ‘e te fa‘avaivai, i mea faigatā; Tele mea e maua ai ‘A i‘u puapuaga.