Number 165
Fa‘alogo, Nu‘u Uma!
Fa‘alogo, Nu‘u Uma!
1. Fa‘alogo i le leo mai lugā, o nu‘u uma ma fiafia.
Agelu ua ‘alaga mai mea tonu fuata‘i mai.
Ma‘eu le susulu mai lugā, o le tala moni alofa.
Susulu mai ua pei o le la, i mālō uma.
2. Nofo tagata i le pogisa, ma va‘ai mo le aso lenā.
Mavae le po ia tatou fiafia; mea tonu fa‘aalia.
Ma‘eu le susulu mai lugā, o le tala moni alofa.
Susulu mai ua pei o le la, i mālō uma.
3. Tofia e galulue mo Ia, i mālō ma tagata uma.
Ta‘u atu afioga tu‘u mai, mea tonu tumau ai.
Ma‘eu le susulu mai lugā, o le tala moni alofa.
Susulu mai ua pei o le la, i mālō uma.
Upu: Fa‘avae i upu Siāmani na saunia e Louis F. Monch, 1847–1916. © 1985 IRI
Fati: George F. Root, 1820–1895