1. Fa‘afetai i le Atua, lē na foa‘iina mai,
Lana pule ma le mana, i nei aso e gata ai;
Lona Alo o Keriso, na Ia fetalai mai,
Ia Iosefa i le ala, ma le upu e ola ai.
Fa‘amalosi tula‘i ia, O Siona e i ai.
O le puna o le ola; ia pepese fa‘afetai.
2. O lo tatou perofeta, sa fa‘aali tonu mai
Fetalaiga mai le lagi, i nei aso e gata ai;
E! ua salalau le tala, i lo tatou nei Matai,
Lana pule, ma le mana; lona mālō e ola ai.
Fa‘amalosi tula‘i ia, O Siona e i ai.
O le puna o le ola; ia pepese fa‘afetai.
3. O outou le lalolagi, ina fa‘alogo mai.
Le mālō ua mai le lagi, i nei aso e gata ai;
O Iesu o le Keriso; o lo tatou nei Mesia,
E mamalu, e mamalu, o le mālō e pa‘ia.
Fa‘amalosi tula‘i ia, O Siona e i ai.
O le puna o le ola; ia pepese fa‘afetai.
