ເພງ​ສວດ ​ແລະ ​ເພງ​ຂອງ​ເດັກນ້ອຍ (1996), p. ໔໖
ໂອ້ພຣະບິດາ

1. ໂອ້ພຣະບິດາຜູ້ສະຖິດຢູ່ ໃນເບື້ອງເທິງຮຸ່ງເຮືອງສາຍສ່ອງ ເມື່ອໃດຈະໄດ້ຢູ່ກັບພຣະອົງ ເຫັນພຣະພັກອີກເໝືອນດັງປອງ? ໃນທີ່ອັນສັກສິດແຫ່ງພຣະອົງ ວິນຍານຂ້າເຄີຍຢູ່ຫລືບໍ່? ວິນຍານຂ້າໃນຍາມວັຍເດັກນັ້ນ ລ້ຽງດູໂດຍພຣະອົງແມ່ນບໍ່?

2. ດ້ວຍເຈດຕະນາເລີດລ້ຳສູງສົ່ງ ພຣະອົງສົ່ງຂ້າມາໂລກນີ້ ທັງຢັບຢັ້ງຄວາມຈຳຂ້າທັງປວງ ເຖິງເພື່ອນແລະການເກີດກ່ອນນີ້ ແຕ່ຫລາຍຄັ້ງມີບາງສິ່ງລຶກລັບ ກະຊິບເຈົ້າເປັນຄົນຕ່າງແດນ ຂ້າຮູ້ສຶກວ່າຂ້າໄດ້ທ່ອງທ່ຽວ ມາຈາກຖິ່ນສູງສົ່ງແສນໄກ

3. ຂ້າຮຽນຮູ້ຮ້ອງອົງພຣະບິດາ ທາງພຣະວິນຍານຈາກສະຫວັນ ກ່ອນຟື້ນຟູກະແຈແຫ່ງຄວາມຮູ້ ຂ້າບໍ່ຮູ້ຈະຮ້ອງເຊັ່ນນັ້ນ ໃນສະຫວັນມີບິດາເທົ່ານັ້ນຫລື? ຄວາມຄິດນັ້ນມອງຫາເຫດຜົນ ຄວາມຈິງຄືເຫດຜົນຄວາມຈິງບອກ ຂ້າວ່າມີມານດາທີ່ນັ້ນ

4. ເມື່ອຂ້າຈະຈາກຊີບອັນອ່ອນແອ ເມື່ອຂ້າວາງຮ່າງມະຕະໄວ້ ບິດາມານດາຂໍຂ້າພົບທ່ານ ໃນວຽງວັງສະຫວັນໄດ້ບໍ່? ແລະເມື່ອຂ້າສຳເຣັດທຸຣະກິດ ຕາມທີ່ບັນຊາທຸກປະການ ຫາກວ່າທັງສອງເຫັນພ້ອມຕ້ອງກັນ ຂໍໃຫ້ຂ້າໄດ້ຢູ່ກັບທ່ານ