1. Gawaing sadyang kagila‑gilalas Nagaganap na sa wakas. O mga naglilingkod sa ating D’yos, Ialay ang puso’t lakas. Nangusap ang mga propeta’t anghel; Mundo’y inihanda Sa paghahari ng D’yos Anak At pagpapala N’ya.

Sinusundan si Cristo Sa ’ting bawat hakbang Na may pag‑asa’t pag‑ibig, Buong pananalig.

2. Ang mga Banal kagila‑gilalas; Gawaing ito’y tinanggap. Ang puso’t isipa’y inukol nila Sa Panginoon nang ganap. Sila ay huwaran ng kaalaman, Pagpapakumbaba, Kadalisaya’t pagmamahal Sa D’yos at sa iba.

Sinusundan si Cristo Sa ’ting bawat hakbang Na may pag‑asa’t pag‑ibig, Buong pananalig.

3. Kung nais isulong gawaing ito At nais tumulong sa D’yos, At kung sa mundo’y ating ihahayag Ebanghelyo N’ya nang taos, Mga kalul’wa nati’y maliligtas, Sa sala’y lalaya. Mamamasdan natin nang lubos Kal’walhatian N’ya.

Sinusundan si Cristo Sa ’ting bawat hakbang Na may pag‑asa’t pag‑ibig, Buong pananalig.