Te Mau Himene (1995, 2021-digital), no. 140
Ia Parau Haamaitai Noa Tatou

1. ’Ia parau ha’amaita’i noa tātou, te tahi i te tahi nei, mai te hīmene a te mau manu, e ora (a)i te ’ā’au ’oto nei. E ’ore roa (a)i te fē’a’a, te tīa’i e noa’a mai ai, e tupu mai ai te aroha, te rumaruma e ’ore ai.

Nā te parau maitata’i ’o tei parauhia mai e ’ama noa te ’ā’au. ’Ia parau ha’amaita’i noa tatou, tāpa’o nō te aroha mau.

2. Mai te rā i ni’a i te ra’i e tāmāhanahana mai. Mai te pape pīha’a haumarū, te mana’o maita’i e tupu ai. ’Ia parau noa tātou te maita’i, ’ia tāmau ā, ’eiaha e fiu. ’Ia ’ore e mou teie here, ’ia mau ’e a muri noa (a)tu.

Nā te parau maitata’i ’o tei parauhia mai e ’ama noa te ’ā’au. ’Ia parau ha’amaita’i noa tatou, tāpa’o nō te aroha mau.